Farg‘onada Koreyaga ishga yuborish uchun 4000 AQSh dollari talab qilgan shaxs qo‘lga tushdi

Bosh prokuratura huzuridagi Departamentning Farg‘ona viloyati boshqarmasi tomonidan tezkor tadbir o‘tkazildi, deb xabar berdi Bosh prokuratura matbuot xizmati.

Tezkor tadbirda fuqaro A.Ch. tanishlari orqali Koreya davlatiga ishga yuborishi evaziga fuqaro Sh.U.dan 4 000 AQSh dollarini olgan vaqtida ashyoviy dalillar bilan ushlangan.

Mazkur holat yuzasidan fuqaro A.Ch.ga nisbatan JKning tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.