Sankt-Peterburgdan Buxoroga uchayotgan Uzbekistan Airways samolyoti Navoiyga favqulodda qo‘ndi

Uzbekistan Airways’ning “Sankt-Peterburg—Buxoro” yo‘nalishida uchayotgan Boeing 757 samolyoti Buxoro aeroportiga qo‘na olmadi, deb xabar bermoqda kompaniya matbuot xizmati.

Qayd etilishicha, havoning keskin sovishi va noqulayligi, shuningdek, tuman tushganligi sababli samolyot Navoiy shahridagi zaxira aeroportiga yuborilgan.

Samolyot soat 12:58 da Navoiy xalqaro aeropotiga qo‘ndirilgan. Ayni paytda samolyot o‘z manziliga yetib olgan.

Avvalroq Moskvadan Dushanbega uchayotgan samolyot Toshkentga favqulodda qo‘ngan edi.