Bashar Asad: Suriya terrorchilar bilan urushda g‘alaba qozonmasa, Yaqin Sharq xaritasidan butkul yo‘qolib ketadi

Suriyada yaqin orada urush yakunlanishiga bo‘lgan ishonch oxirgi paytlarda ortib bormoqda. Bu haqda mamlakat prezidenti Bashar Asad Xorvatiyaning “Vecherni list” gazetasiga bergan intervyusida ma’lum qildi, deya xabar beradi “TASS”. 

Suriya armiyasi jangchilarining qat’iyati va xalq matonati, shuningdek, Rossiya, Eron va Livaning “Hizbulloh” partiyasi tomonidan ko‘rsatilayotgan kuchli ko‘mak tufayli frontda katta muvaffaqiyatlarga erishdi.

Bashar Asad, Suriya prezidenti

Suriya prezidentiga ko‘ra, mamlakat hududida hali kamida 100 ming nafar terrorchi bor.

Bizda bu urushda g‘alaba qozonishdan bo‘lak yo‘l yo‘q. Agar shunday bo‘lmasa, Suriya Yaqin Sharq xaritasidan butkul o‘chib ketadi.

Bashar Asad, Suriya prezidenti

“Daryo”ning Telegram’dagi rasmiy kanali — @toshqindaryo’ga a’zo bo‘ling!