Donald Tramp kosmik qo‘shin tuzilishini rasman ma’lum qildi
Prezident Donald Tramp AQSh kosmik qo‘shin tuzilishini rasman ma’lum qildi. Bu haqda u mudofaa budjetini imzolash marosimida ma’lum qildi, deb xabar beradi CNN.
Oq uydagi amaldorlarning fikrlariga ko‘ra mazkur qaror tarixiy qadam hisoblanadi.
AQSh Kosmik kuchlari — 1947-yildan buyon mavjud bo‘lgan yangi harbiy tuzilma hisoblanadi. Hozirda AQSh harbiy havo kuchlariga qarashli kosmik qo‘mondonligiga rahbarlik qilayotgan general Jon Reymondning fikricha, yangi kuchlarga 16 ming odam jalb etilib, oxirida 5—6 mingga yaqin odam lavozimga tayinlandi. Ta’kidlanishicha, AQSh harbiylari ixtiyoriy ravishda yangi tuzilmaga o‘tishlari mumkin.
Kosmik kuchlarni yaratish uchun ajratiladigan mablag‘ 40 million dollarni tashkil etadi.
Mavzuga doir: Donald Trampga nisbatan impichment e’lon qilindi
Avvalroq AQSh prezidenti Donald Tramp yaqin orada Afg‘onistondan taxminan to‘rt ming Amerika harbiy askarlari olib chiqilishni e’lon qilishi mumkinligi haqida xabar berilgandi
Manba: Daryo.uz