“Roma”dan uchralgan mag‘lubiyatdan so‘ng “Fiorentina” Montellani ishdan bo‘shatdi

“Fiorentina” futbol klubi jamoa bosh murabbiyi Vinchenso Montellani iste’foga chiqardi. Bu haqda klub matbuot xizmati xabar berdi.

“Fiorentina” A Seriya 17-turi doirasida o‘z uyida “Roma”ga 1:4 hisobida mag‘lub bo‘ldi. Shundan so‘ng klub rahbariyati Montellani ishdan bo‘shatishga qaror qilgan.

Montella 2019-yil 10-aprelidan beri “Fiorentina”ni (ikkinchi marta qaytishi klubga) boshqarib kelayotgandi. Bunga qadar esa u “Roma”, “Kataniya”, “Sampdoriya”, “Milan” va “Sevilya” klublarida ishlashga ulgurdi.

A Seriya 17-turidan so‘ng “Fiorentina” 17 ochko bilan 14-o‘rindan joy olib turibdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!