YuNISEF Suriyadagi kimyoviy hujum oqibatida 27 bola o‘lganini tasdiqladi

BMTning Bolalar tashkiloti (YuNISEF) Suriyaning Idlib viloyatidagi Xon-Shayxun shahridagi kimyoviy hujum oqibatida kamida 27 nafar bola halok bo‘lganini tasdiqladi. Bu haqda “Gazeta.ru” xabar bermoqda.

“Suriya shimoli-g‘arbidagi Idlibda kimyoviy hujum oqibatida kamida 27 bola halok bo‘lgani tasdiqlandi”, — deyiladi tashkilot axborotida.

YuNISEFning qayd etishicha, hodisa oqibatida yana 546 kishi, jumladan, ko‘plab bolalar jabrlangan.

Fond vakillarining qo‘shimcha qilishicha, qurbonlar soni hali yanada ko‘payishi mumkin.

“Daryo”ning Telegram’dagi rasmiy kanali — @toshqindaryo’ga a’zo bo‘ling!