Surxondaryoda Lada va Nexia ishtirokidagi YTH oqibatida yo‘lovchilardan biri halok bo‘ldi

28-sentabr kuni Surxondaryo viloyati Qumqo‘rg‘on tumanidan o‘tuvchi yo‘lda sodir bo‘lgan YTH oqibatida 68 yoshli fuqaro halok bo‘ldi. Bu haqda IIV YHXBB axborot xizmati xabar berdi.

“Bishkek—Dushanbe—Termiz” avtomobil yo‘lining 1538-kilometrida haydovchi Lada Xray Cross rusumli avtomobilini yo‘lning chetidan orqaga qayrilish maqsadida burgan. Lada haydovchisi bu vaqtda ushbu yo‘nalish bo‘ylab harakatlanib kelayotgan Nexia’ga yo‘l bermagan.

Mavzuga doir: 

Sodir bo‘lgan yo‘l-transport hodisasi oqibatida Nexia ichida bo‘lgan, 1951-yilda tug‘ilgan yo‘lovchi olgan jarohatlari oqibati kasalxonda vafot etgan.