Belgiya terma jamoasining 2019-yildagi eng yaxshi o‘yinchisi aniqlandi

“Real” klubining hujumkor yarim himoyachisi Eden Azar Belgiya terma jamoasining 2019-yildagi eng yaxshi o‘yinchisi deb topildi.

2019-yilda 28 yoshli futbolchi Belgiya terma jamoasining 8 o‘yinida ishtirok etib, beshta gol va yettita samarali uzatmaga muallif bo‘ldi.

Belgiya terma jamoasi Yevro—2020 saralashida guruhda birinchi o‘rinni egallagan holda musobaqaning final bosqichiga yo‘l oldi. “Qizil iblislar” hal qiluvchi bosqichda Rossiya, Daniya va Finlyandiya bilan bir guruhdan joy oldi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!