Trampning o‘g‘li Nyu-York shtati gubernatori uchun saylovda ishtirok etishi mumkin

AQSh prezidentining o‘g‘li kichik Donald Tramp Nyu-York shtati gubernatori lavozimiga o‘z nomzodini ko‘rsatish fikrini o‘ylab ko‘rmoqda. Bu haqda “Gazeta.ru” xabar bermoqda.

Kichik Tramp Amerikaning qurollar bilan shug‘ullanuvchi klublaridan birining a’zolari bilan suhbat davomida otasiga o‘xshab davlat amalini egallash niyatida ekanligini ma’lum qilgan.

“18 oylik prezidentlik musobaqasidan so‘ng savdoga qaytish zerikarli. Meni siyosiy pashsha chaqib oldi”, — dedi kichik Tramp.

Shu bilan bir vaqtda, prezident oilasiga yaqin kishilardan biri kichik Trampning hozirda siyosiy amalga saylanish niyati yo‘qligini aytdi. U “akasi bilan birgalikda butun e’tiborini Trump Organization boshqaruviga qaratgani” qayd etildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!