Ibragimovich “Milan” futbolchisi sifatida tanishtirildi

“Milan” klubi hujumchi Zlatan Ibragimovichni o‘z futbolchisi sifatida tanishtirdi.

38 yoshli shvetsiyalik hujumchi milanliklar bilan 2019/20-yilgi mavsum oxirigacha mo‘ljallangan shartnoma imzolagan. Uni yana bir yilga uzaytirish bandi ham bor.

2-yanvar, payshanba kuni Ibragimovich Milanga yetib keldi va klub uchun tibbiy ko‘rikdan o‘tdi. U yangi jamoasida 21-raqam ostida to‘p suradi.

Zlatan 2010—2012-yillar mobaynida “Milan”da harakat qilgan. Uning so‘nggi klubi “Los-Anjelas Gelaksi” bo‘lib, Ibra noyabr oyida u yerni tark etgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!