Avstraliya poytaxtida havoning ifloslanish darajasi o‘rmon yong‘inlari tufayli me’yordan 26 baravarga oshib ketdi

2-yanvar, payshanba kuni Avstraliya poytaxti Kanberrada havoning ifloslanish darajasi o‘rmon yong‘inlari tufayli me’yordan 26 baravarga oshib ketdi, deb xabar berdi “Kommersant”.

Avstraliya janubi-sharqida bir necha oydan beri o‘rmon yong‘inlari davom etmoqda. Olov o‘tgan davr mobaynida kamida 4 million gektar o‘rmonni kulga aylantirdi, 17 kishi halok bo‘ldi, kamida 1,4 mingta uy yonib ketgan. 4,9 million gektar maydon yerlarning yonib ketgani aytilmoqda.

Australia in flames: pictures of a natural disaster https://t.co/1ec5tPbfCJ by @lisettevoytko pic.twitter.com/yb5vHjlRs8

— Forbes (@Forbes) January 2, 2020

Qayd etilishicha, 3-yanvar, juma kuni tongida Kanberra havosidagi ifloslanish darajasi pasaygan, biroq shunda ham belgilangan me’yordan ortiqligini ko‘rsatmoqda.

Yaqin uch oy ichida mamlakatda issiq ob-havo kuzatilishi prognoz qilingan, bu esa yong‘inlar davom etishidan dalolat beradi. Odamlar yong‘indan qochib, sohil bo‘yiga chiqib, evakuatsiya xizmatini kutmoqda.

Yong‘inlar oqibatida kamida 8 mingta koala nobud bo‘lgan. Ayrim tumanlarda olovli tornado kuzatilmoqda.

Mavzuga doir: