Surxondaryoda tezlikni oshirgan Nexia daraxtga urildi. Yo‘lovchilardan biri vafot etdi

4-yanvar kuni soat 00:30 larda Surxondaryo viloyati Jarqo‘rg‘on tumani hududidan o‘tuvchi yo‘lda Nexia rusumli avtomobil yo‘lning o‘ng tomonidagi daraxtga urilib, YTH sodir etdi. Bu haqda IIV YHXBB axborot xizmati xabar berdi.

“Bishkek—Dushanbe—Termiz” avtomobil yo‘lining 1588-kilometrida 1997-yilda tug‘ilgan denovlik haydovchi boshqaruvni yo‘qotib qo‘ygan. Yuzaga kelgan YTH oqibatida haydovchi M.O. tan jarohati olib kasalxonaga yotqizilgan, mashina ichida bo‘lgan 48 yoshli yo‘lovchi esa kasalxonada vafot etgan.

Mavzuga doir: Surxondaryoda Lacetti haydovchisi YTH sodir etib, jabrlanuvchiga yordam ko‘rsatmadi. Piyoda halok bo‘lgan

Dastlabki ma’lumotlarga ko‘ra yo‘l-transport hodisasi haydovchining belgilangan tezlik me’yorlariga amal qilmaganligi va yo‘lning xavfli burilish qismida boshqaruvni yo‘qotishi oqibatida sodir bo‘lgan.