The Independent: Uchinchi jahon urushi boshlanishi ehtimoldan holi emas

Britaniyaning The Independent nashrida “Tramp rostdan ham Uchinchi jahon urushini boshlamoqchimi? Biz bu haqda nimalar bilamiz?” sarlavhali maqola e’lon qilindi.

AQSh va Eron o‘rtasidagi ziddiyat haqidagi maqola muallifi Luis Steypls Uchinchi jahon urushi boshlanishi ehtimoldan xoli emas, deb yozadi.

Muallif Iroqda Eronning nufuzli generali Qosim Sulaymoniyning o‘ldirilishi va u bilan bog‘liq boshqa voqealarni tahlil qiladi.

Maqolada shuningdek, amerikalik siyosatchilar, xususan, AQSh sobiq vitse-prezidenti Jo Bayden hamda Britaniyaning hozirgi tashqi ishlar vaziri Dominik Raabning fikrlari ham keltiriladi.

Maqola so‘ngida Steypls dunyo haqiqatdan ham yirik urush tomon boryaptimi, degan savolga javob berar ekan, “biz hali buni bilmaymiz”, deb yozadi.

Shu bilan birga muallif tomonlar ziddiyatni bartaraf etish uchun qadam tashlayotganini ham yozadi.