O’zbekistonga 676 mln so'mlik matoni chegaradan olib kirishga uringan shaxslar ushlandi

O‘zbekistonda faoliyat olib borayotgan mas’uliyati cheklangan jamiyatlardan birining nomiga xorijdan keltirilgan matolar Davlat bojxona qo‘mitasi Kontrabanda va bojxona qonunchiligi buzilishiga qarshi kurashish boshqarmasi xodimlari tomonidan belgilangan tartibda bojxona ko‘rigidan o‘tkazildi. Bu haqda Davlat bojxona qo‘mitasi axborot xizmati xabar bermoqda

Natijada, matolar hujjatlarda ko‘rsatilganidan 162 240 kvadrat metr ko‘p ekanligi aniqlandi.

Hujjatlarda ko‘rsatilganidan ortiqcha bo‘lgan tovarlarning umumiy qiymati 676 million so‘mni tashkil qildi.

Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.