“Barselona”ning 17 yoshli futbolchisi Ispaniya Superkubogi rekordini yangiladi

“Barselona” yarim himoyachisi Ansumane Fati Ispaniya Superkubogi yarim finalidan o‘rin olgan “Atletiko”ga qarshi o‘yinning (2:3) 88-daqiqada maydonga tushdi.

17 yosh-u 70 kunlik Fati Ispaniya Superkubogi tarixidagi eng yosh futbolchiga aylandi.

Fati bu borada “Barselona” sobiq yarim himoyachisi Nano Rodilyani ortda qoldirdi. 1999-yilgi Superkubokda Nano 17 yosh-u 117 kunlik edi.

Avvalroq Fati La Liga doirasidagi bir o‘yinda gol va samarali uzatma amalga oshirgan eng yosh futbolchiga aylangandi. Shuningdek, u Yevropa Chempionlar Ligasida gol urgan eng yosh o‘yinchi hisoblanadi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!