» » Toshkentda pensiya puliga qurilgan Hyatt Regency mehmonxonasi xususiylashtiriladi

Toshkentda pensiya puliga qurilgan Hyatt Regency mehmonxonasi xususiylashtiriladi


Shavkat Mirziyoyev 2019-yil 24—26-mart kunlari BAAga va 17—20-dekabr kunlari Yaponiyaga tashriflar yakunida erishilgan kelishuvlarni amalga oshirish muhokamasiga bag‘ishlangan yig‘ilish o‘tkazdi, deya xabar bermoqda Prezident matbuot xizmati.

Tashriflar davomida BAA bilan qiymati 10 milliard dollardan ortiq, Yaponiya bilan esa 6 milliard dollardan ziyod qo‘shma loyihalarni amalga oshirish bo‘yicha kelishuvlarga erishilgan edi. Yig‘ilishda BAA kompaniyalari bilan erishilgan kelishuvlar natija berayotgani ta’kidlangan.

Prezident matbuot xizmati axborotiga ko‘ra, BAA ishtirokida 1 milliard dollarlik kapitalga ega The Abu Dhabi Uzbek Fund investitsiya fondi tashkil etilgan bo‘lib, bugungi kunga kelib ushbu jamg‘arma mablag‘lari hisobidan Toshkentdagi Hyatt Regency mehmonxonasi xususiylashtirilishini moliyalashtirish ma’qullangan.

Ma’lumot uchun, Toshkentdagi Hyatt Regency mehmonxonasi qurilishi 2012-yilda boshlanib, 2016-yil iyunida foydalanishga topshirilgan. O‘shanda qurilish qiymati 205 million dollarni tashkil etgani haqida xabar berilgan edi.

Mehmonxona qurib bitkazilishi uchun 2015-yilda Xalq banki Jamg‘arib boriluvchi Pensiya tizimi mablag‘lari hisobidan besh yil muddatga yillik stavkasi 10 foiz bo‘lgan 100 milliard so‘m (o‘sha vaqt kursi bo‘yicha 37,9 million dollar) ajratgan edi.



Manba: Daryo.uz
Опубликовано: admin (14-01-2020, 18:42)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Сколько времени в день вы проводите в социальных сетях?

КТО НА САЙТЕ?
( 12) ( 0) ( 10) ( 2)
Юзеры:
- отсутствуют
Гости:
Роботы:
Последние 20 посетителей... - отсутствуют