Konor Habib bilan jangdan 50 mln dollar ishlab olgan. Navbatdagi jangdan u bundan ham ko‘proq topadi

UFC’ning ikki vazndagi sobiq chempioni Konor Makgregor 2018-oktabrida Habib Nurmagomedov bilan bo‘lgan jangdan 50 million dollar ishlab olgani haqida ma’lum qildi.

Makgregorning so‘zlariga ko‘ra, 19-yanvar kuni Donald Serronega qarshi o‘tadigan jangdan u 80 million dollar ishlab topadi. Bu esa Konorning faoliyatidagi eng katta gonorar hisoblanadi. Qayd etish joiz, bu mablag‘ni hisoblashda jang uchun beriladigan 5 million dollardan tashqari pulli translyatsiyalardan tushadigan ulush ham hisoblangan.

Irlandiyalik sportchi Ariel Helvaniga bergan intervyusida 35 yoshga to‘lganida milliarderga aylanishi haqida ham aytib o‘tgan.

Eslatib o‘tamiz, Makgregor—Serrone jangi 19-yanvar tongida Las-Vegasda bo‘lib o‘tadi.

Jang haqidagi qo‘shimcha ma’lumotlar va videolarni, shuningdek, onlayn translyatsiyalarni, @DARYO_SPORT hamda @UFCBOXUZ kanalida kuzatib boring!