Chempionlar ligasini 3 ta mag‘lubiyat bilan boshlagan “Bunyodkor” klubi Eronga uchib ketdi

Toshkentning “Bunyodkor” klubi “Zob Ohan” bilan o‘yin uchun Eronga jo‘nab ketdi.

Osiyo Chempionlar ligasining 4-turida “qaldirg‘ochlar” Eronning “Zob Ohan” klubiga qarshi maydonga tushadi. Tomonlarning Toshkentdagi o‘yinida forslar 2:0 hisobida zafar quchgandi.

3-turdan keyin Sergey Lushchan jamoasi birorta ham ochko jamg‘ara olmagan. Hisobida 4 ochkosi bor Eron klubi esa guruhda 3-o‘rinni egallab turibdi.

“Zob Ohan” — “Bunyodkor” o‘yini 11-aprel — seshanba kuni Toshkent vaqti bilan 20:30 da start oladi. Mazkur o‘yinda ishtirok etish uchun “Bunyodkor” futbolchilari Toshkent-Istanbul-Isfaxon yo‘nalishi bo‘ylab yo‘lga chiqqan.