Sirdaryo va Namangan viloyatlarida FVB boshliqlari o‘zgardi

Sirdaryo hamda Namangan viloyatlarida Favqulodda vaziyatlar boshqarmasi boshliqlari o‘zgardi.

O‘zAning xabar berishicha, podpolkovnik G‘ulomjon Muhammedov Favqulodda vaziyatlar vaziri buyrug‘i bilan Sirdaryo viloyati Favqulodda vaziyatlar boshqarmasi boshlig‘i lavozimiga tayinlandi. Bunga qadar u Sirdaryo viloyati Yong‘in xavfsizligi boshqarmasi boshlig‘i lavozimida ishlab kelayotgandi.

“Daryo” muxbirining ma’lum qilishicha, polkovnik Bunyodjon Egamnazarov esa Namangan viloyati Favqulodda vaziyatlar boshqarmasi boshlig‘i etib tayinlandi. U bunga qadar Namangan viloyati Yong‘in xavfsizligi boshqarmasi boshlig‘i lavozimida ishlagan.