Boks bo‘yicha Tokio—2020 Olimpiadasiga yo‘llanma beruvchi musobaqaning yangi mezboni ma’lum bo‘ldi

Boks bo‘yicha Tokio—2020 Olimpiadasiga litsenziya beruvchi musobaqa Iordaniyada o‘tkaziladi.

Aslida 3—14-fevral kunlari Xitoyning Uxan shahrida bo‘lib o‘tishi rejalashtirilgan musobaqa xavfli koronavirus tufayli bekor qilingandi.

O‘zbekiston boks federatsiyasi matbuot xizmatining ma’lum qilishicha, litsenzion musobaqa 3—11-mart kunlari Iordaniyaning Amman shahrida bo‘lib o‘tadi. Unda Osiyo va Okeaniya mintaqasi vakillari Olimpiya o‘yinlari yo‘llanmasi uchun kurash olib boradi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!