Madagaskarda kuchli yomg‘irlar oqibatida 30 nafardan ortiq odam halok bo‘ldi, 9 kishi bedarak yo‘qoldi

Madagaskarda shiddatli yomg‘irlar oqibatida 31 kishi halok bo‘ldi, yana 9 kishi bedarak yo‘qoldi. Bu haqda “RIA Novosti” xabar bermoqda.

Tabiiy ofatdan 100 mingdan ortiq kishi jabrlangani aytilmoqda. Rasmiylar yog‘inlar tufayli zarar ko‘rgan hududlardan aholini evakuatsiya qilishda davom etmoqda.

Oroldagi kuchli yomg‘irlar bir necha kun davomida to‘xtamadi. Buning oqibatida minglab turar joy va binolar vayron bo‘ldi, shikastlandi yoki suv ostida qoldi.

Ko‘plab maktablar yopilgan, 7 ming nafardan ortiq kishi boshpanasiz qoldi.