Misrning Tanta shahridagi koptlar cherkovida yuz bergan portlash oqibatida 30 kishi halok bo‘ldi

Misrning G‘arbiya viloyati, Tanta shahridagi “Mar Girgis” koptlar cherkovida portlash sodir etildi. OAVga ko‘ra, buning oqibatida 30 kishi halok bo‘ldi, 50 dan 70 kishigacha jarohatlandi, deya xabar bermoqda “RIA Novosti”.

Cherkovdagi portlashni xudkush terrorchi amalga oshirgani bildirilmoqda. Guvohlarga ko‘ra, 30—35 yoshlardagi kishi cherkovga kirib, oldingi qatorga o‘tgan va o‘sha zahoti xudkush kamarini harakatga keltirgan.

Politsiya portlash yuz bergan hududni qurshab oldi, videokameralar yozuvi olingan. Rasmiylar yuz bergan hodisani terakt deb hisoblamoqda. “Daryo”ning Telegram’dagi rasmiy kanali — @toshqindaryo’ga a’zo bo‘ling!