“Arsenal” ispaniyalik himoyachi transferini e’lon qildi

Braziliyaning “Flamengo” klubi himoyachisi Pablo Mari faoliyatini “Arsenal”da davom ettiradi. Bu haqda londonliklar matbuot xizmati ma’lum qildi.

Ma’lum bo‘lishicha, “Arsenal” ispaniyalik futbolchini mavsum oxirigacha ijaraga olgan. Shartnomaga ko‘ra, “kanonirlar” himoyachini sotib olish huquqiga ega bo‘ladi.

Mari markaziy himoya chizig‘ida to‘p suradi. 2019-yilning yozida “Flamengo” safiga kelgan 26 yoshli futbolchi jamoa bilan Braziliya chempionati va Libertadores Kubogida g‘olib chiqdi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!