Netanyaxu: Rossiya va AQSh Suriyadan kimyoviy qurol olib chiqilishini yakunlashda hamkorlik qilishi mumkin

Suriyadan kimyoviy qurol olib chiqilishining yakunlanishi Rossiya va AQSh bu borada hamkorlik qilishi uchun imkoniyat yaratadi. Bu haqda Isroil bosh vaziri Binyamin Netanyaxu ma’lum qildi, deya xabar beradi “TASS”.

“Biz xalqaro hamjamiyatni bu ishni, ya’ni Suriyadan kimyoviy qurol olib chiqilishini oxiriga yetkazishga chaqiramiz. Bu mazkur yo‘nalishda AQSh va Rossiya hamkorligi uchun imkoniyat, ushbu ish yakunlanishi lozim”, — deya ta’kidladi Binyamin Netanyaxu.

Eslatib o‘tamiz, Isroil bosh vaziri AQShning Suriyadagi aviabazaga raketa zarbasi berganini to‘liq qo‘llab-quvvatladi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!