O‘zbekistonda bugundan ish haqi va nafaqalar miqdori oshirildi

Avval xabar berganimizdek, Prezident Shavkat Mirziyoyevning o‘tgan yil yakunidagi qaroriga asosan O‘zbekistonda 2020-yil 1-fevraldan ish haqi va nafaqalar miqdori oshiriladi.

Bugundan e’tiboran budjet muassasalari va tashkilotlari xodimlarining ish haqi, pensiyalar, stipendiyalar, nafaqalar hamda kam ta’minlangan oilalarga beriladigan moddiy yordam miqdori 1,07 barobarga oshiriladi.

2020-yil 1-fevraldan boshlab O‘zbekistonda:

Zarur ish stajiga ega bo‘lmagan keksa yoshdagi va mehnatga layoqatsiz fuqarolarga beriladigan nafaqa — oyiga 286 390 so‘m etib belgilangan.

Bazaviy hisoblash miqdori o‘zgarishsiz qoldirilgan — 223 000 so‘m.