Xitoyda koronavirus tufayli bir kunda 46 kishi vafot etdi

Xitoyda o‘tgan sutka davomida koronavirus tufayli 46 kishi vafot etdi. Shu tariqa mamlakatda mazkur kasallik qurbonlari soni 259 kishiga yetdi. Bu haqda Xitoy sog‘liqni saqlash qo‘mitasi ma’lum qildi, deya xabar beradi “RBK”.

Qo‘mitaga ko‘ra, o‘tgan sutka davomida virus o‘chog‘i bo‘lgan Xubey provinsiyasida 45 kishi hayotdan ko‘z yumgan, yana bir kishi Chunsin shahrida o‘lgan.

Hozirda Xitoyda koronavirus bilan kasallanish holati 11 791 kishida tasdiqlangan. Ulardan 1795 nafari og‘ir holatda bo‘lib turibdi.

Mavzuga doir: Koronavirusdan kasallangan xitoylik ayol qanday tuzalganini aytib berdi