Futzal bo‘yicha Osiyo chempionati koronavirus sabab noma’lum muddatga qoldirildi

2020-yilning 26-fevralidan 8-martigacha Turkmaniston poytaxti Ashxobod shahrida bo‘lib o‘tishi kerak bo‘lgan futzal bo‘yicha Osiyo Chempionati—2020 musobaqasi koronavirus sabab boshqa muddatga qoldirildi.

Qatarda faoliyat yuritayotgan Alisher Nikimbayevning xabar qilishicha, Osiyo futbol konfederatsiyasi Xitoyda tarqalgan koronavirus epidemiyasi sabab, mazkur musobaqani noma’lum muddatga qoldirgan.

Litvada o‘tadigan JCh—2020 musobaqasiga yo‘llanma taqdim etuvchi mazkur musobaqada O‘zbekiston terma jamoasi Turkmaniston, Vyetnam va Tojikiston bilan bir guruhdan joy olgandi.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!