Andijonda o‘qituvchining uyi portladi. Ayol va uning 2 farzandi kuyish jarohati bilan kasalxonaga yotqizildi

2-fevral kuni soat 16:00 atrofida Andijon shahri Soy mahallasida yashovchi 1984-yilda tug‘ilgan ayol D.X.ning yashash xonadonida chaqnash yuzaga keldi, deb xabar berdi Bosh prokuratura matbuot xizmati “Daryo”ga.

Qayd etilishicha, jabrlanuvchi ayol o‘qituvchi bo‘lib ishlab keladi.

Chaqnash oqibatida ayolning o‘zi va 2 nafar farzandlari 2007-yilda tug‘ilgan A. va 2010-yilda tug‘ilgan B.lar turli darajadagi yengil kuyish tan jarohatlari olib, shifoxonaga yotqizilgan.

Mazkur holat yuzasidan tuman prokuraturasi tomonidan tergovga qadar tekshiruv harakatlari o‘tkazilmoqda.