“Real” 7 ta gol urilgan bahsda “Real Sosyedad”ga yutqazib, Ispaniya Kubogidan chiqib ketdi

Futbol bo‘yicha Ispaniya Kubogi chorak finalida “Real” 6-fevral, payshanba kuni “Real Sosyedad”ga qarshi bahs olib bordi.

Uchrashuvning 22-daqiqasida asli “Real”ga tegishli Martin Edegor madridliklar darvozasini ishg‘ol qildi. Ikkinchi bo‘lim debyutida Aleksander Isak ikki daqiqa ichida dubl qayd etgan holda hisobni yirik ko‘rinishga olib keldi.

59-daqiqada Marselo “Real”ning dastlabki golini urdi. Oradan o‘n daqiqa o‘tib Mikel Merino mehmonlarning to‘rtinchi golini kiritdi. Madridlilar o‘yin yakuniga qadar Rodrigo Goes (81) va Nacho (90+3) harakatkari evaziga yana ikkita gol urishga muvaffaq bo‘ldi, biroq bu uchrashuvni qutqarib qolish uchun yetmadi.

Shu tariqa “Real” Kubok doirasidagi yurishini to‘xtatdi.

Ispaniya Kubogi

Chorak final bahsi

6-fevral, payshanba

Gollar: 0:1 — 22 Edegor, 0:2 — 54 Isak, 0:3 — 56 Isak, 1:3 — 59 Marselo, 1:4 — 69 Merino, 2:4 — 81 Rodrigo, 3:4 — 90+3 Nacho.

“Real Madrid”: Areolya, Nacho, Militao, Ramos, Marselo, Valverde (Yovich, 76), Kroos, Vinisius Junior, Xames (Modrich, 46), Braim Dias (Rodrigo, 76), Benzema.

“Real Sosyedad”: Remiro, Gorosabel, Monreal, Elustondo, Le Norman, Edegor (Gevara, 64), Subeldiya, Yanuzay (Barrenechea, 46), Merino, Oyarsabal, Isak (Munyos, 70).

Ogohlantirishlar: Edegor (11), Le Norman (19), Subeldiya (66), Militao (77), Gorosabel (86), Vinisius Junior (90).

Chetlatish: Gorosabel (90+5).

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!