O‘zbekiston oltin-valyuta zaxiralari 2019-yilda 30 mlrd dollarga yaqinlashgan

Markaziy bank O‘zbekiston oltin-valyuta zaxiralarining yangilangan statistikasini e’lon qildi.

2020-yil 1-yanvar holatiga ko‘ra, rasmiy zaxiralar 29,1 milliard dollarni tashkil etgan. Xalqaro zaxiralar — 28,6 milliard dollarga yetgan. O‘zbekistonning zaxiralari zaif diversifikatsiyalangani tufayli deyarli barcha miqdor xorijiy valyuta (12,4 milliard dollar) va oltin (16,3 milliard dollar) o‘rtasida taqsimlangan.

Markaziy bank ushbu ma’lumotlarni oshkor qilgan holda jamoatchilik e’tiboriga havola qila boshlaganidan beri, ya’ni 2017-yildan buyon ilk bora rasmiy zaxiralar 29 milliard dollardan oshgan. 2018-yil yanvar oyi holatiga ko‘ra, O‘zbekiston oltin-valyuta zaxirasi hajmi 26,6 milliard dollarni tashkil etgan.