“Lokomotiv” — “Istiqlol”. Ertaga toshkentliklardan uch asosiy futbolchi o‘ynamasligi mumkin
Ertaga — 11-aprel kuni Toshkentning “Lokomotiv” klubi Osiyo Chempionlar ligasining 4-turi doirasida “Istiqlol”ga qarshi maydonga tushadi.
Bugun — 10-aprel kuni “temiryo‘lchilar” ustozi Andrey Miklyayev o‘yindan oldingi matbuot anjumanida ishtirok etdi va “Istiqlol”ga qarshi o‘yinda asosiy tarkibning uch nafar a’zosi o‘ynay olmasligi mumkinlini qayd etdi.
Shuhrat Muhammadiyev va Salamat Qutiboyevning jarohati bor. Ular ertaga maydonga tushmaydi. Timur Kapadze esa so‘roq ostida.
Andrey Miklyayev, “Lokomotiv” bosh murabbiyi
Miklyayev Kot-d’Ivuardan bo‘lgan Krizoning transferi xato yoki yo‘qligi borasidagi savolga javob bera olmadi.
Bilmadim. U Hozircha Marat Bikmayev bilan raqobatda yutqazmoqda.
Andrey Miklyayev, “Lokomotiv” bosh murabbiyi
Ma’lumot uchun, “Istiqlol”ga qarshi o‘yin uchun sotilgan chiptalardan tushadigan pul sobiq futbolchi Sirojiddin Sayfiyev uchun safarbar etiladi. Tomonlarning Tehrondagi o‘yinida “Istiqlol” 2:0 hisobida zafar quchgandi.