Andijon — Ufa xalqaro yo‘nalishida yo‘lovchi poyezdi qatnovi yo‘lga qo‘yildi

“O‘zbekiston temir yo‘llari” AJ tomonidan Andijon—Ufa—Andijon xalqaro yo‘nalishida yo‘lovchi poyezdining muntazam qatnovi yo‘lga qo‘yildi. Bu haqda Transport vazirligi matbuot xizmati ma’lum qildi.

Yo‘lovchi poyezdining muntazam qatnovi 8-fevral, shanba kuni, soat 20:15 da boshlandi.

Endilikda vodiy viloyatlaridan mazkur yo‘nalishdagi MDH mamlakatlariga boradigan yo‘lovchilar Andijon, Marg‘ilon, Qo‘qon va Pop vokzallaridan jo‘nashi mumkin.

Chiptalarni joylardagi chiptaxonalardan xarid qilish mumkin yoki elektron tarzda “e-ticket@railway.uz” sayti va uning mobil ilovalari orqali rasmiylashtirish imkoniyati mavjud.

Mavzuga doir: Toshkent—Omsk yo‘nalishida muntazam avtobus qatnovlari yo‘lga qo‘yiladi