Qurilish sohasida AKTni rivojlantirish markazi tuzilmasi tasdiqlandi

“O‘zbekiston Respublikasi Qurilish vazirligining Qurilish sohasida axborot-kommunikatsiya texnologiyalarini rivojlantirish markazi faoliyatini tashkil qilish chora-tadbirlari to‘g‘risida” hukumat qarori qabul qilindi.

Qaror bilan Qurilish sohasida axborot-kommunikatsiya texnologiyalarini rivojlantirish markazi tuzilmasi tasdiqlandi.

Qurilish vaziriga, zarurat bo‘lganda, markaz tuzilmasiga o‘zgartirishlar kiritish huquqi berildi.

Markaz direktori va o‘rinbosari qurilish vaziri tomonidan lavozimga tayinlanadi va ozod etiladi.

Ma’lumot uchun, Qurilish sohasida axborot-kommunikatsiya texnologiyalarini rivojlantirish markazi Prezidentning 2019-yil 20-sentabrdagi PQ-4464-son qaroriga asosan tashkil etilgan.