“Chelsi” Ziyosh transferini hal qildi

Londonning “Chelsi” klubi 2020-yil yozida klubga keladigan ilk futbolchi transferini hal qildi, deb xabar beradi De Telegraaf.

Ma’lum bo‘lishicha, “aristokratlar” “Ayaks” klubi bilan Hakim Ziyosh transferini hal etdi. Marokashlik 26 yoshli futbolchi yozda Londonga ko‘chib o‘tadi. Amsterdamliklar Hakim uchun 40-45 million yevro atrofidagi mablag‘ga ega bo‘ladi.

Joriy mavsum Ziyosh Niderlandiya chempionatida 18 ta o‘yinda maydonga tushib, 6 ta gol urdi va 12 ta golli uzatmani amalga oshirdi.

Qayd etish joiz, Ziyosh 2019/20-yilgi mavsum Chempionlar Ligasi guruh bosqichi doirasida “Chelsi” darvozasini ishg‘ol qilishga erishgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!