Video: Xitoydagi 200 metr balandlikda joylashgan oynavand sayr yo‘lkasi

Xitoy janubi-g‘arbidagi Chunsin shahri chekkasidagi tog‘da, 200 metr balandlikda “Samoviy yo‘lak” nomli sayr yo‘lkasi ochildi. Bu haqda TJournal xabar bermoqda. 

Osti oynavand bo‘lgan po‘lat konstruksiya tog‘dan 80 metrga chiqqan bo‘lib, undan turib o‘rmon manzarasini kuzatish mumkin. 

Yaqin orada Chunsinda marhumlarni yodga olish festivali — Sinmin bo‘lib o‘tadi. Festival davomida shaharga 10 mingga yaqin sayyoh kelishi kutilmoqda.

Ular bilan birga Ginnes rekordlar kitobi komissiyasi ham tashrif buyurishi va sayr yo‘lkasini o‘z yo‘nalishida dunyoda eng uzuni sifatida qayd etishi kutilmoqda.

Bundan avvalgi rekord AQShdagi 21 metrli yo‘lkaga tegishli edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!