ERIELL Group “2017—2021-yillarda uglevodorod xomashyosini qazib olishni oshirish bo‘yicha chora-tadbirlar dasturi” ni amalga oshirishda davom etmoqda

Kompaniya “O‘zbekneftgaz” AJ tarkibiy bo‘linmalari bilan birgalikda Qashqadaryo viloyatida yangi quduqlarni qurish va mavjudlarini kapital ta’mirlash, shuningdek, texnologik obyektlarni barpo etishni o‘z ichiga olgan ekspluatatsion burg‘ulash va konlarni o‘zlashtirish dasturini faol amalga oshirmoqda.

Dasturni muvaffaqiyatli amalga oshirishda navbatdagi qadam Sho‘rtan neft va gaz qazib chiqarish boshqarmasining “Namozboy” konida 13-sonli quduqning ishga tushirilishi bo‘ldi. Bu yerda diametri 114x9 mm va uzunligi 3370 m bo‘lgan pastadirli neft quvuri shleyfi qurilish ishlari bajarildi. Quduq Guzar shahridagi mavjud avtomatik gaz taqsimlash stansiyasiga ulandi.

ERIELL Group ning yaqin kelajakdagi rejalari Respublikadagi konlarda 20 dan ortiq quduqlarni qazish ishlarini olib borishdir.

Reklama huquqi asosida.