“Xalq banki” boshqaruvi raisiga yangi o‘rinbosar tayinlandi

Aksiyadorlik tijorat “Xalq banki” boshqaruvi raisining o‘rinbosari etib Hasanjon Ahmedov tayinlandi. Bu haqda O‘zA xabar bergan.

Xabarda yozilishicha, Hasanjon Ahmedov 1984-yil Samarqand shahrida tug‘ilgan. Toshkent moliya institutini bank ishi va menejment yo‘nalishi bo‘yicha tamomlagan.

U 2015—2019-yillarda “Xalq banki”ning turli departamentlarida direktor va filial boshqaruvchisi lavozimlarida faoliyat yuritgan.

2019-yildan shu kunga qadar u “Xalq banki” Hududiy filiallar faoliyatini muvofiqlashtirish kompleksi rahbari lavozimida ishlab kelayotgandi.

Avval Bo‘ka tumani hokimligida xalq deputatlari tuman Kengashining navbatdan tashqari 3-sessiyasida “Xalq banki” boshqaruvi raisining o‘rinbosari lavozimida ishlab kelgan Nizomiddin Abbosov Bo‘ka tumani hokimi vazifasini bajaruvchi etib tasdiqlangan. Sirdaryo viloyati Boyovut tumaniga esa birinchi marta ayol kishi – Dilfuza Uralova hokim etib tayinlangandi.

Mavzuga doir: 

Shuningdek, 10-fevral, dushanba kuni, Markaziy bankning Buxoro boshqarmasi boshlig‘i Shukrullo Hakimov Shofirkon tumaniga hokim bo‘lgani xabar qilingan.

Mavzuga doir: Bahromjon Haydarov Andijon shahrining yangi hokimi lavozimiga tasdiqlandi