O‘zbekiston va Qozog‘iston davlat chegarasi masalasini muhokama qildi

Qozog‘istonning Olmaota shahrida 17—21-fevral kunlari Qo‘shma demarkatsiya komissiyasida O‘zbekiston va Qozog‘iston hukumatlari delegatsiyalarining navbatdagi yig‘ilishi bo‘lib o‘tdi.

TIV matbuot xizmatining xabar berishicha, O‘zbekistonning Navoiy viloyati va Qozog‘istonning Qizilo‘rda va Turkiston viloyatlari chegaralari tutashgan uchastkada davlatlararo chegarani demarkatsiya qilishning yakuniy hujjat loyihalari tayyorlandi.

Komissiya 2020-yil uchun O‘zbekiston—Qozog‘iston Davlat chegarasini demarkatsiya qilishning yakuniy hujjatlari loyihalarini tayyorlash bo‘yicha tadbirlar rejasini tasdiqlagan.

Shu yilning yanvar oyida Toshkentda O‘zbekiston va Qozog‘iston davlat chegarasini demarkatsiya qilish masalasi muhokama qilingan edi.