Deontey Uaylder 23-fevral tongida Tayson Fyuriga qarshi jang qiladi. Ikkala bokschi ham hali 1 ta jangda yutqazmagan
Toshkent vaqti bilan 23-fevral tongida Las-Vegasda professional boks kechasi (AQShda 22-fevral tunda) tashkil etiladi.
Unda kechaning asosiy jangi Deontey Uaylder (42-0-1, 41 KO) va Tayson Fyuri (29-0-1, 20 KO) o‘rtasida kechadi. Uaylder ushbu jangda o‘zining WBC kamarini himoya qiladi.
Qayd etish joiz, ikkala yengilmas bokschi 2018-yil 1-dekabrida bir-biriga qarshi ringga chiqqan, 12-raundlik jang yakuniga ko‘ra hakamlar durang natijasini qayd etgandi.
Las-Vegasdagi boks kechasida quyidagi sportchilar ham ringda o‘zaro kuch sinashadi:
Emanuel Navarette — Jeo Santisima
Chalrz Martin — Jerald Vashington
Subriel Matias — Petros Ananyan
Janglar Toshkent vaqti bilan 07:30 da boshlanadi. Uaylder—Fyuri to‘qnashuvini Telegram’dagi @UFCBOXUZ kanalida tomosha qilish mumkin.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Manba: Daryo.uz