Reks Tillerson Rossiyani ikki yo‘ldan birini tanlashga chaqirdi

AQSh davlat kotibi Reks Tillerson Moskvaga tashrif buyurishidan oldin Rossiya ikki yo‘ldan birini tanlashi — Suriya prezidenti Bashar Asadni qo‘llab-quvvatlashda davom etishi yoki G‘arb mamlakatlari tomoniga o‘tishi kerakligi haqida gapirdi. Bu haqda “Kommersant” xabar bermoqda.

Biz Suriya uchun barqaror va xavfsiz kelajak qurishni xohlaymiz. Rossiya bu kelajakning bir qismiga aylanishi va unda muhim rol o‘ynashi yoki o‘zining uzoq muddatli manfaatlariga zarar yetkazadigan kishilar bilan ittifoqchilik munosabatlarini davom ettirishi mumkin.

Reks Tillerson, AQSh davlat kotibi

AQSh davlat kotibi Rossiya 2013-yilda Suriyani kimyoviy qurolsizlantirish bo‘yicha vazifalarini bajarmaganligi qayta ta’kidlab o‘tdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!