Qoraqalpog‘iston Respublikasi va 4 ta viloyatda IIV huquqbuzarliklar profilaktikasi boshliqlari almashdi
O‘zbekiston Respublikasi IIV tizimida bir qator kadrlar almashinuvi ro‘y berdi. Bu haqda vazirlik matbuot xizmati xabar berdi.
Xabarga ko‘ra, podpolkovnik Omirbay Turdibayev — Qoraqalpog‘iston Respublikasi ichki ishlar vazirining o‘rinbosari — huquqbuzarliklar profilaktikasi boshqarmasi boshlig‘i lavozimiga tayinlandi.
Tayinlovga qadar Omirbay Turdibayev Qoraqalpog‘iston Respublikasi Taxtako‘pir tumani Ichki ishlar bo‘limi boshlig‘i lavozimida faoliyat yuritgan.
Podpolkovnik Maxamadjon Nishonov — Andijon viloyati Ichki ishlar boshqarmasi boshlig‘ining o‘rinbosari — huquqbuzarliklar profilaktikasi boshqarmasi boshlig‘i lavozimiga tayinlandi. U tayinlovga qadar Andijon viloyati IIB patrul-post xizmati va jamoat tartibini saqlash boshqarmasi boshlig‘i lavozimida ishlagan.
Buxoro viloyati IIB huquqbuzarliklar profilaktikasi boshqarmasi boshlig‘i lavozimida ishlagan podpolkovnik Jonibek Boltayev esa viloyat IIB boshlig‘ining o‘rinbosari — huquqbuzarliklar profilaktikasi boshqarmasi boshlig‘i lavozimiga tayinlangan.
Yana bir tayinlov Jizzaxda amalga oshgan: polkovnik Jo‘rabek Avazov — Jizzax viloyati Ichki ishlar boshqarmasi boshlig‘ining o‘rinbosari — huquqbuzarliklar profilaktikasi boshqarmasi boshlig‘i lavozimiga tayinlandi. Avval Jo‘rabek Avazov Jizzax viloyati IIB huquqbuzarliklar profilaktikasi boshqarmasi boshlig‘i lavozimida faoliyat yuritgan.
Qashqadaryo viloyatida podpolkovnik Umid Yaxshiyev — Qashqadaryo viloyati Ichki ishlar boshqarmasi boshlig‘ining o‘rinbosari — huquqbuzarliklar profilaktikasi boshqarmasi boshlig‘i lavozimiga tayinlangan.
Mavzuga doir:
Manba: Daryo.uz
Добавить комментарий!
ОПРОС
76)
(
0)
(
75)
(
1)
