Ronalduning agenti soliqlardan qochishda gumon qilinmoqda. Uning ofisida tintuv o‘tkazildi

Portugaliya politsiyasi Krishtianu Ronalduning agenti Jorje Mendeshning ofisida tintuv o‘tkazdi, deya xabar qilmoqda NBC Sports.

Futbol agenti soliqlardan qochishda gumon qilinmoqda. Mendeshning ofisidan tashqari “Portu”, “Benfika” va “Sporting” kabi klublar ofisida ham tintuv o‘tkazilgan. Mazkur ish yuzasidan umumiy miqdorda 78 ta tintuv o‘tkazilgan, unga 180 dan ortiq politsiya va 101 nafar soliq inspektorlari jalb etilgan.

Ta’kidlanishicha, politsiya 2015-yildan shu davrgacha bo‘lgan transfer hujjatlari va elektron yozishmalarni dalil sifatida olgan. Tergovning qolgan tafsilotlari ochiqlanmagan.

Portugaliyalik vositachi bir qator futbol yulduzlarining vakili hisoblanadi. Quyida ularning ayrimlari keltirib o‘tilgan:

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!