IIV ayollar “samosud”i aks etgan videodagi voqea qayerda sodir bo‘lganini aniqladi
Ijtimoiy tarmoqlarda bir ayol boshqa bir ayolni uyatli so‘zlar bilan haqorat qilib, uning sochidan tortib, yuzlariga qo‘li bilan urayotgani tasvirlangan video tarqalgan edi.
IIV matbuot xizmatining xabar berishicha, Ichki ishlar organlari Navbatchilik qismlariga videoda tasvirlangan holatlar yuzasidan hech kim murojaat qilmagani sababli aybdor shaxslarga nisbatan chora ko‘rish va qonuniylikni ta’minlash maqsadida, videoda tasvirlangan holat yuzasidan asosli ma’lumotga ega bo‘lgan fuqarolardan bu haqda xabar berish so‘ralgan.
Olib borilgan tekshiruvlar davomida videodagi shaxslar aniqlangan. Ma’lum bo‘lishicha, videoda tasvirlangan holatlar 2019-yilning bahor oylarida Qirg‘izistonning Jalolobod viloyati Bozorqo‘rg‘on tumanida sodir etilgan.
Mavzuga doir: Andijonda pichoq bilan tengdoshini qo‘rqitayotgan yigit videosi tarqaldi. “Samosud” jarayoni sahnalashtirilganligi ma’lum bo‘ldi (video)
Manba: Daryo.uz