Qozog‘istonda davlat organlariga xorijga xizmat safariga chiqish taqiqlandi

Qozog‘iston Prezidenti Qosim-Jo‘mart To‘qayev koronavirus tarqalishi xavfi tufayli davlat xizmatchilari va mansabdor shaxslarni xizmat safarlariga chiqishini taqiqladi. Bu haqda Qozog‘iston prezidentining matbuot xizmati xabar berdi.

Qayd etilishicha, mamlakat va fuqarolar xavfsizligini ta’minlashga qaratilgan safarlardan tashqari davlat xizmatchilari va boshqa mansabdor shaxslarning chet elga xizmat safarlariga borishi taqiqlangan.

Prezident, shuningdek, korxonalar va maktabgacha ta’lim muassasalari xodimlarining tibbiy xavfsizligini ta’minlash bo‘yicha qo‘shimcha choralar ko‘rish zarurligini ta’kidlagan.

Avvalroq Qozog‘istonda ikki kishida koronavirus qayd etilgani, ularning ikkisi ham Germaniyadan qaytgani haqida xabar berilgandi.

Mavzuga doir: