“Yuventus”ning yana bir futbolchisida koronavirus aniqlandi, “Espanyol”da esa 6 kishi kasallangan

Yevropa bo‘ylab keng yoyilgan koronavirus futbolchilar orasida ham tarqalmoqda.

“Yuventus” matbuot xizmati jamoada yana bir koronavirus bilan kasallanish qayd etilganini ma’lum qildi. Bu safar Blez Matyuidining tahlili qoniqarli natija bergan.

Fransiyalik futbolchi o‘z uyida izolyatsiga olingan. Unda virusning hech qanday alomatlari sezilmagan. Avvalroq turinliklar himoyachisi Daniele Rugani koronavirusga chalingandi.

Ispaniyaning “Espanyol” klubida bir yo‘l oltita koronavirus yuqtirib olish holati kuzatildi. Klub bayonotida aytilishicha, futbolchilar va murabbiylar shtabining olti nafar a’zosida virus borligi aniqlangan. Ularning barchasida yengil alomatlar sezilgan.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!