Toshkentda 2017-yilning uch oyida sodir etilgan jinoyatlarning 90 foizga yaqini fosh etildi

Toshkent shahrida 2017-yilning dastlabki uch oyi davomida sodir etilgan jinoyatlarning 90 foizga yaqini (2 319 tasi) fosh etildi. Bu haqda Toshkent shahar IIBB tomonidan 13-aprel, payshanba kuni tashkil etilgan brifingda ma’lum qilindi.

Xabar berishlaricha, aprel oyi boshidan beri 40 ta jinoyat, xususan, 7—13-aprel kunlari 23 ta jinoyat fosh etilgan.

So‘nggi bir hafta davomida fosh etilgan jinoyatlarning 15 tasini o‘g‘rilik, 7 tasini firibgarlik, bittasini esa talonchilik jinoyatlari tashkil etadi.

Shuningdek, uch oy davomida 510 nafar, oy boshidan beri 74 nafar va hafta davomida 40 nafar qidiruvda bo‘lgan jinoyatchilar ushlangan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!