Toshkent chorrahalaridagi kameralar bir haftada 8,5 mingdan ziyod qoidabuzarlik aniqladi
Toshkent shahri chorrahalariga o‘rnatilgan kuzatuv kameralari yordamida 7—13-aprel kunlari oralig‘ida 8 559 ta qoidabuzarlik aniqlandi.
Toshkent shahar IIBBdan ma’lum qilishlaricha, mazkur qoidabuzarliklarning 4 217 tasini svetoforning qizil chirog‘ida harakatlanish, 4 342 tasini esa tezlikni belgilangan me’yordan oshirish holatlari tashkil etadi.
Shuningdek, yo‘l harakati xavfsizligi xodimlari tomonidan hafta davomida 7 969 ta qoidabuzarlik aniqlangan bo‘lib, mazkur holatlar bo‘yicha tegishli ma’muriy bayonnomalar rasmiylashtirilgan.
Ma’lumot uchun, bundan avvalgi haftada Toshkentning kamerasi bor chorrahalarida 6,3 mingta qoidabuzarlik qayd etilgan edi.
Mavzuga doir: Video: Toshkentning kamerasi bor chorrahalarida qoidabuzarliklar kamaymoqda
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Добавить комментарий!
- отсутствуют