O‘zbekistonda koronavirusga chalinganlar soni 49 nafarga yetdi. Infeksiya Rossiyadan kelgan ikki fuqaroda aniqlangan

O‘zbekistonda koronavirus infeksiyasini yuqtirib olgan shaxslar soni 49 nafarga yetdi, deya xabar bermoqda Sog‘liqni saqlash vazirligi matbuot xizmati.

“Ushbu infeksiya Rossiyada bo‘lib qaytgan ikki fuqaro va yana biri esa Turkiyada bo‘lib qaytgan bemorning turmush o‘rtog‘ida aniqlangan”, — deyiladi vazirlik axborotida.

Avvalroq O‘zbekistonda koronavirusga chalinganlar soni 46 nafarga yetgani haqida xabar berilgan edi.

Mavzuga doir: O‘zbekistonda koronavirus yuqtirganlardan mobil telefonlar olib qo‘yiladi

Eslatib o‘tamiz, 24-martdan O‘zbekistonda koronavirus infeksiyasi tarqalishiga qarshi kuchaytirilgan tartib joriy etildi, dehqon bozorlaridan tashqari barcha bozorlarning faoliyati to‘xtatildi.