Karantindan chiqmay aylanish mumkin bo‘lgan Luvr, Ermitaj va yana 10 ta muzey
Butun dunyoda muzeylar karantinga yopilmoqda, lekin internet orqali ularni bemalol aylanish mumkin, deb yozadi Afisha Daily.
Nyu-Yorkdagi Metropoliten muzeyi
Nyu-Yorkdagi eng ko‘p tashrif buyuriladigan muzeylardan biri ishdan tashqari vaqtda bo‘sh muzeyning sehridan bahra olishga va hatto qush parvozi balandligidan unga nazar tashlashga chorlamoqda.
Moskvadagi Tretyakov galereyasi
Endilikda Tretyakov jamlanmasi bilan sutkaning istalgan paytida tanishish mumkin.
Nyu-Yorkdagi MoMA muzeyi
Zamonaviy san’at namunalarini o‘zida jamlagan dunyodagi eng birinchi va eng taniqli muzey. Bu muzeyni har bir inson hech bo‘lmasa bir marta o‘z ko‘zi bilan ko‘rishi kerak. Hozircha esa undagi jamlanmadan onlayn bahra olamiz.
Sankt-Peterburgdagi Ermitaj muzeyi
Bu yerda dunyo tashvishlarini unutib, haqiqiy ma’noda madaniy hordiq chiqarishingiz mumkin.
Budapeshtdagi tasviriy san’at muzeyi
Muzeydagi Breygel va Goyaning taniqli ishlaridan tashqari qadimiy Misr bo‘limini ham tomosha qilish zarur.
Krakov milliy muzeyi
Krakova muzeyiga hozir vaqt topmasangiz, buni qachon qilasiz? Aynan ushbu muzeyda 2017-yildan beri Leonardo da Vinchining “Oqsuvsar tutgan ayol” asari saqlanmoqda.
Florensiyadagi Uffitsi muzeyi
Ushbu muzey o‘zining betakror jamlanmasi bilan “ajoyibotlar muzeyi” degan nomga sazovor bo‘lgan. Bu yerda taniqli mo‘yqalam ustalarining eng sara asarlari saqlanadi.
Londondagi Britaniya muzeyi
Vaqtingizni foydali va mazmunli o‘tkazishingiz uchun ushbu muzeyda barcha imkoniyatlar mavjud. Uning YouTube’dagi sahifasida qiziqarli videolarni ham ko‘rishingiz mumkin.
Nyu-Yorkdagi Solomon Guggenxaym muzeyi
Muzeydagi jamlanmalar ham boshqa muzeylar kabi sizni hayratga soladi, dunyoqarashingizni boyitadi.
Amsterdamdagi Van Gog muzeyi
Vinsent Van Gog murakkab jarayonlarda san’atni qanday rivojlantirish kerakligini juda yaxshi bilgan.
Parijdagi Luvr muzeyi
Hatto bu muzeyga bir necha marta borgan odam ham undagi hamma eksponatni ko‘rganman, deb ishonch bilan ayta olmaydi. Onlayn rejimida esa sizda bunday imkoniyat bor.
Vena tarix va san’at muzeyi
Ushbu muzeydagi sokinlik sizga xotirjamlik baxsh etadi. Birgina “Yudif va Olofern” suratining o‘zi ushbu muzeyga borishga arziydi.
Manba: Daryo.uz