» » JSST koronavirus pandemiyasining tarqalishi tezlashganini ma’lum qildi

JSST koronavirus pandemiyasining tarqalishi tezlashganini ma’lum qildi


Jahon sog‘liqni saqlash tashkiloti (JSST) koronavirus infeksiyasining dunyo bo‘ylab tarqalishi tezlashganini ma’lum qildi. Bu haqda Meduza xabar berdi.

Tashkilot bosh direktori Tedros Gebreyesusning ma’lum qilishicha, koronavirus bilan bog‘liq dastlabki 100 mingta holat 67 kun ichida qayd etilgan bo‘lsa, keyingi 100 mingta holat uchun 11 kun kerak bo‘ldi. Uchinchi 100 mingtalik holat esa to‘rt kun ichida qayd etilgan.

JSST 24-mart, seshanba kuni, dunyoning 190 ta davlatida koronavirus bilan kasallanish bo‘yicha qariyb 335 mingta holatni qayd etgan. Qurbonlar soni 14,6 ming kishini tashkil qilgan.

Virus tarqalishini real vaqt rejimida kuzatib boruvchi Jons Xopkins universitetining ma’lum qilishicha, 382 ming kishi koronavirusni yuqtirib olgan, 16,5 ming kishi kasallikdan vafot etgan, qariyb 102 ming kishi tuzalib ketgan.

Koronavirus sababli Tokio—2020 Olimpiadasi 1 yilga kechiktirildi. Xalqaro valyuta jamg‘armasi 2020-yilda jahon iqtisodiyotini 2008-yildagidan ham og‘irroq retsessiya kutayotganini ma’lum qildi. AQSh prezidenti Donald Tramp koronavirus sabab joriy etilgan cheklovlarni bekor qilish rejasi haqida gapirdi. Braziliyadagi futbol stadionlari shifoxonaga aylantirilmoqda.

Mavzuga doir: IT-kompaniyalar koronavirusga qarshi: Apple va Facebook millionlab niqoblarni xarid qilmoqda, Amazon esa ofitsiantlarni ishga yollayapti

Ayni paytda O‘zbekistonda koronavirusga chalinganlar soni 50 nafarni tashkil etmoqda. Sog‘liqni saqlash vazirligining ma’lum qilishicha, O‘zbekistonda koronavirus infeksiyasi bilan kasallanganlarning 30 nafari chet elda bo‘lib qaytgan. 18 nafar fuqaro esa ular bilan yaqin muloqotda bo‘lib, virusni yuqtirib olgan.



Manba: Daryo.uz
Опубликовано: admin (24-03-2020, 19:43)
0 (голосов: 0)
Комментариев пока еще нет. Вы можете стать первым!

Добавить комментарий!


vote-iconОПРОС
Понравился ли Вам наш сайт?

КТО НА САЙТЕ?
( 69) ( 0) ( 66) ( 3)
Юзеры:
- отсутствуют
Гости:
Роботы:
Последние 20 посетителей... - отсутствуют